Radio Kalahari Orkes!

Kom geniet ‘n aand van musiek wat jou reguit terugvoer na die hartklop van Suid-Afrika se ryk musikale tradisie. RKO bring op 13 Junie 2025 hul unieke klanke na Barnyard Vereeniging met ‘n dinamiese vertoning wat ghoema, Latyns en Afrikana-musiek meesterlik vermeng.

Met akoestiese instrumente soos viool, ou kitare, pennyfluitjies, mondfluitjies, bas en gazoos, bied hierdie groep ‘n onvergeetlike musiekervaring wat jou voete sal laat jeuk en jou hart sal raak.

RKO is met trots bekroon met ‘n FAK Prestige-toekenning vir hul uitsonderlike bydrae tot Suid-Afrikaanse volksmusiek — ‘n bewys van hul meesterskap op die verhoog.

Moet dit nie misloop nie!